കാന്താരി 2011, ഫെബ്രുവരി 23, ബുധനാഴ്‌ച


ദേ മോയിതീന്ക്ക വരുന്നുണ്ട്.....മോയിതീന്ക്ക....കഥ....അനുമോള് പോയില്ലയിരുന്നോ?
ഇല്ല...കഥ പറ...ഇനി അത് തീര്നിട്ടു മതി കച്ചോടം.....
എന്നാ പിന്നെ കഥ പറയലാവട്ടെ ആദ്യം ....അപ്പോഴേക്കും ഞങ്ങള്‍ കടപുറം എത്തി...അവിടെയുള്ള ഒരു കരിക്കല്ലില്‍ ഇരുന്നു ഞാന്‍ മോയിതീന്ക്കയുടെ കഥയ്ക്ക് കാതോര്‍ത്തു...
"അപ്പോള്‍ നമ്മള്‍ എവിടാ നിര്‍ത്തിയെ...ആ....അങ്ങനെ ഞമ്മടെ മോഹബ്ബത് മൈമൂനനെ എങ്ങനെ അറിയിക്കുമെന്ന് ആലോചിച്ചപോഴാണ് സുലൈമാനെ ഓര്‍ത്തത്....എന്റെ കൂടെ പഠിച്ചു വളര്‍ന്നവനാ സുലൈമാന്‍...പക്ഷെ സ്കൂളില്‍ എത്തിയാല്‍ ഓന്‍ ക്ലാസില്‍ പോവുംപ്പോ ഞാന്‍ ഉപ്പുമാവ് ഉണ്ടാകുന്നടത്തെക്കു പോവും എന്ന് മാത്രം...ഓന്‍ ബലിയ പഠിപ്പുകരനായി,ഏഴാം ക്ലാസ്സാ ഓന്‍ ....(ഓ...എഴാം ക്ലാസ്സ്‌ ഇമ്മിണി ബലിയ പഠിപ്പു തന്നെ പടച്ചോനെ..)ഞാന്‍ എന്റെ സങ്കടം ഓനോട്‌ ചെന്ന് പറഞ്ഞു..... അപ്പൊ ഒനാ പറഞ്ഞെ..."നിന്റെ ഇഷ്ടം ഓളോട് പറയാന്‍ ഒരു വഴിയുണ്ട്....ഇന്ജോരു കത്തെഴുത്ത് ഓള്‍ക്ക്.."ആയിനെനിക്ക് എഴുതാന്‍ അറീലല്ലോ?ഞാനെഴുതി തരാം.....അങ്ങനെ ഞാന്‍ മൈമൂനയ്കുള്ള എന്റെ കത്തെഴുതി.....അതുംകൊണ്ട് മൈമൂന വരുന്ന വഴിയില്‍ കാത്തിരിപ്പായി....ചെണ്ട കൊട്ടുന്ന പോലെ നെഞ്ഞിടിക്കാന്‍ തുടങ്ങി...ഒളിത്‌ വാങ്ങുമോ?അതോ ബഹളം വെച്ച ആളെ കൂടുമോ?ആകെ പേടിയായിരുന്നു....മൈമു വരുന്നുണ്ട്....അവളെ കണ്ടതോടെ മേലാകെ വിറ തുടങ്ങി.....തെണ്ട വരണ്ടു...."മൈമൂ......"ഒരുവിധം വിളിചൊപ്പിച്ചു...അവളൊന്നു തിരിഞ്ഞു നോക്കി...കയ്യിലുള്ള കടലാസ് കഷ്ണം അവള്‍ക് നേരെ നീട്ടി.....അവള്‍ അത് വാങ്ങി എനിക്കൊരു പുഞ്ചിരിയും നല്‍കി നടന്നു പോയി.....ആ ചിരി...അത് കണ്ടപ്പോള്‍ ഞാന്‍ ഉറപ്പിച്ചു അവള്കും എന്നെ ഇഷ്ടമാണെന്ന്.....പിന്നെ ഞമ്മള്‍ സുവര്‍ഗത്തിലായിരുന്നു.....മൈമോനോടുത്തുള്ള ജീവിതം സ്വപ്നം കണ്ടു കടപുരത്തെ മണലില്‍ മലര്‍ന്നു കിടന്നു നേരം വെളുപ്പിച്ചു,രാവിലെ തന്നെ കുളിച്ചൊരുങ്ങി മൈമു പോവുന്ന വഴിയില്‍ കാത്തിരിപ്പായി.....അവള്‍ വരുന്നു.....എന്റെ നേരെ പുഞ്ചിരിയോടെ നോക്കുന്നുണ്ട് ....അടുതെതിയപ്പോള്‍ അവള്‍ കൈ നീട്ടി....അവളുടെ കയ്യില്‍ ഒരു കടലാസ് കഷ്ണം...എനിക്കുള്ള മറുപടി...അത്മെടുത്...ഒരോട്ടമായിരുന്നു സുലൈമാന്റെ അടുത്തേക്ക്.....അവളുടെ ഖല്‍ബില്‍ ഞാന്‍ മാത്രമേയുള്ളൂന്നു....ഹോ....ദുനിയാവിലെ ഏറ്റവും ഭാഗ്യവാന്‍ ഞാനാണെന്ന് തോന്നിയ നേരം.....ഉടനെ തന്നെ സുലൈമാനെ കൊണ്ട് അതിനൊരു മറുപടി എഴുതിച്ചു....അതുമായി പെട്ടെന്ന് നേരം വെളുക്കുന്നതും കാത്തിരിപ്പായി.....അങ്ങനെ കത്തുകളിലൂടെ ഞങ്ങള്‍ കിനാവുകള്‍ കണ്ടു...കഥകള്‍ പറഞ്ഞു...ഒരിക്കല്‍ പോലും നേരിട്ട് സംസാരികാനുള്ള ധൈര്യം എനിക്ക് കിട്ടിയില്ല...ദിവസങ്ങള്‍ കടന്നു പോയി കൊണ്ടിരുന്നു..എത്ര രഹസ്യമാക്കി വെച്ചിട്ടും ഞങ്ങളുടെ ഇഷ്ടം അവളുടെ വീട്ടുകാര്‍ അറിഞ്ഞു.....അവളുടെ ആങ്ങളമാര്‍ എന്നെ ഭീഷണിപെടുത്തി....എതിര്‍പ്പ് പ്രേമത്തെ ശക്ത്മാകിയതെയുളൂ...ഒരു ദിവസം ഞങ്ങള്‍ കത്ത് കൈമാറുമ്പോള്‍ അവളുടെ ആങ്ങളമാര്‍ കയ്യോടെ പിടികൂടി .....അവരെന്നെ തള്ളി ചതച്ചു....മൈമൂനെ വീട്ടില്‍ പൂട്ടിയിട്ടു.....ആരൊക്കെയോ ചേര്‍ന്നെന്നെ ആശുപത്രിയില്‍ എത്തിച്ചു....അവിടുന്ന് ഞാനൊരു കാര്യം ഒറപ്പിച്ചു.....ആശുപത്രിയില്‍ നിന്നിറങ്ങിയാല്‍ മൈമൂനെയും കൂട്ടി എവിടെങ്ങിലും ഇറങ്ങി പോവുമെന്ന്....പക്ഷെ പെട്ടെന്ന് നേരം പുലര്‍ന്നത് എന്നെ ഞെട്ടിക്കുന്ന വാര്‍ത്തയും കൊണ്ടായിരുന്നു.....മൈമൂനെ കാണാനില്ല....ഒപ്പം സുലൈമാനെയും...അവര്‍...ഒളിച്ചോടി....അവര്‍ പരസ്പരം കത്തി കൈ മാറാനുള്ള പോസ്റ്റ്‌ മാന്‍ മാത്രമായിരുന്നു ഞാന്‍....ഓല് ഏണ്ടാലും ചേര്‍ന്നെന്നെ പറ്റിക്കുകയായിരുന്നു....കത്തിലോന്നും പെരെഴുതാത്തത് കൊണ്ട് വീട്ടുകാര്‍ക്കും ഒന്നും മനസ്സിലായില്ല..... അതുകൊണ്ട് അവനു കിട്ടേണ്ട തല്ലു കൂടി വാങ്ങിച്ചു വെച്ചു...അന്ന് ഉറപ്പിച്ചു ഇനിയീ പണിക്കില്ലെന്ന്.....
മോയിതീന്ക്ക പറഞ്ഞു നിര്‍ത്തി....ആ കണ്‍ കോണില്‍ എവിടെയോ ഒരു നീര്‍ മുത്ത്‌ തിളങ്ങിയോ?ഹേ...തോന്നിയതാവും.....മീന്‍ പാത്രവുമായി മോയിതീന്ക്ക നടന്നു നീങ്ങി കഴിഞ്ഞു....പാവം...
ഗുണപാഠം :എഴുതാനും വായിക്കാനും പഠിക്കാതെ പ്രേമിക്കാന്‍ പോവരുത്......
ഇനി അടുത്ത ആളുടെ അടുത്തേക്ക്.....അല്പം ഞാനീ കടല്‍ തീരത്തിരിക്കട്ടെ.....എന്നിട്ടാവാം ബാകി സര്‍വ്വേ ട്ടോ....
.

അജ്ഞാതന്‍ 2011, ഫെബ്രുവരി 22, ചൊവ്വാഴ്ച

മോയിതീന്ക്ക ആ കഥ ഒന്ന് പറ....അല്ലേലും എനിക്ക് കഥകള്‍ പണ്ടേ ഇഷ്ടമാ...പ്രതേകിച്ചും ഇംഗ്ലീഷ് നോവലുകള്‍....ഡ്രാകുള അടിപൊളിയായിരുന്നു...ചിരിച്ചു ചിരിച്ചു മണ്ണ് കപ്പി...(അല്ലേലും ഇംഗ്ലീഷ് കാര് വെറും മണ്ടന്മാരാന്നെ.....കണ്ട പാറ്റയേയും പഴുതരയെയുമൊക്കെ പിടിച്ചു വലുതാകി സിനിമയെടുക്കും...അതൊക്കെ വിശ്വസിച്ചു മഹത്തായ മൂവി എന്നും പറഞ്ഞു തലയില്‍ വെച്ചോണ്ട് നടക്കും...പക്ഷെ എനികറിയാം സത്യം .....അവന്മാര്‍ക്ക് നമ്മളെ പോലെ അഭിനയിക്കാന്‍ അറിയാന്മേലാന്നെ....അത് പുറത്താവാതിരികാനുള്ള ഐഡിയ  ഇതൊക്കെ...നമ്മളോടാ കളി ...ഇതൊന്നും അറിയഞ്ഞിടല്ല പിന്നെ ജീവിച് പോയ്കൊട്ടെന്നു വിചാരിച് മിണ്ടാതിരിക്കും)
അപ്പൊ കഥ തുടങ്ങാം.....
നില്‍കാന്‍ നേരമില്ല നടന്നോണ്ട്‌ പറഞ്ഞു തരാം.....
പടച്ചോനെ....അഭിഷേക് പറഞ്ഞത് മോയിതീന്ക്ക വരെ അനുസരിക്കുന്നു....
walk wen u talk ....വാട്ട് ആന്‍ ഐഡിയ സിര്ജീ....
walk എങ്ങി walk ...നടന്നേക്കാം .....
അതൊരു കാലമായിരുന്നു മോളെ......മോയിതീന്ക്ക ആ 23 കാരന്‍ ആയിമാറി....
മൈമൂന .....ഒള്‍പുയ്യതായി ഞമ്മടെ  അയലോക്കത് പാര്‍ക്കാന്‍ ബന്ന വളാ...ഞമ്മള്‍ ബാല്യകാരുടെ കിനാവിലെ ഹൂറി.....ഓള കണ്ട അന്ന് മുതല്‍ നെഞ്ഞിനുള്ളില്‍ ഒരു പെടപെടപ്പയിരുന്നു....വിശപ്പൂല ,ഉറകൂല....ഒലെ കാണണം ...ഓളോട് മിണ്ടണം എന്നഒറ്റ ബിജാരം മാത്രം....എന്ന കണ്ടാലോ?നവെരങ്ങിപോലാ ...ഒന്നും മിണ്ടാന്‍ പറ്റൂല ...മിണ്ടിന പോട്ടെ....ഒലെ ഒന്ന് നോക്കാന്‍ തന്നെ  പേടിയാവും....ഓള്‍ അടുത്കൂടി പോവുംപ്പം കാലിനടിയീനു തുടങ്ങുന്ന ഒരു തരിപ്പാ....അതങ്ങ് നെറുകം തല വരെ പാഞ്ഞു കേറും.....ഹോ...അതൊക്കെ ഒര്കുമ്പോള്‍ ഇപ്പോള്‍ ഒരു സുഖാ.....
മോയിതീന്ക്ക എന്നിട്ട്?
നില്‍ക...ഞാനീ മീനൊന്നു കൊടുക്കട്ടെ....
ഈ മോയിതീന്ക്കന്റെ ഒരു കാര്യം....പ്രേമതിനിടയിലാ മീന്‍ കച്ചോടം?
താ...സുഹറത്ത എത്തി പാത്രവുമായി....ഇനി കുറെ നേരത്തേക്ക് മോയിതീന്ക്കണേ നോക്കേണ്ട....
 i hour news live കഴിഞ്ഞിട്ടേ മൂപര് വരൂ.....നാട്ടിലെ സകല വാര്‍ത്തകളും യാതൊരു മടിയുമില്ലാതെ നാടാകെഎത്തിക്കുക എന്ന ചേദം ഇല്ലാത്ത ഉപകാരം കൂടി ചെയ്യുനുണ്ട് മോയിദീന്ക്ക....പക്ഷെ വാര്‍ത്തകളില്‍ കൂടുതലുംമസാലകള്‍ ആവുമെന്ന് മാത്രം....അതില്‍ മൂപരുടെ വക അല്പം എരിവും പുളിയും ചേര്‍ത് വിളമ്പുന്നത് കേള്‍കാന്‍ നല്ല രസമാ....(നമ്മളെ കുറിച്ചല്ലാത്ത കാലത്തോളം)എന്തായാലും മോയിതീന്ക്ക വരുമ്പോഴേക്കും ഞാനൊന്ന് പോയി വരാം......തിരിച്ചു വരണേ...ഇനിയും ഒരുപാട് കേള്കാനും പറയാനുമുണ്ട്.....എന്റെ നാട്ടിന്‍പുറത്തെ പ്രണയ വിശേഷങ്ങള്‍......






 


















അജ്ഞാതന്‍ 2011, ഫെബ്രുവരി 14, തിങ്കളാഴ്‌ച

valatinesday .....പുതിയ പോസ്റ്റ്‌ എന്ത് വേണം.....കഥയും കവിതയും കുറെ ഉണ്ടാവും ...മനസ്സേ മാറി ചിന്തിക്കൂ...പെട്ടെന്ന്‍ മനസ്സില്‍ ഒരു ലഡ്ഡു പൊട്ടി....(പണ്ടായിരുന്നേല്‍ തലയില്‍ ബള്‍ബ്‌ കത്തും...ഇപ്പോഴത്തെ കരണ്ട് ബില്‍ താങ്ങാന്‍ വയ്യ....അതുകൊണ്ട് ലഡ്ഡു കൊണ്ട് തൃപ്തി പെടൂ)ഒരു സര്‍വ്വേ നടത്തിയാലോ?ഇപ്പൊ സെന്സസിന്റെ സമയമല്ലേ?അപ്പൊ ഒരു ലവ് സെന്സസിന്‍ നല്ല ഡിമാന്റ് ഉണ്ടാവും....കമന്റ്സ് കൊണ്ട് നിറയുന്നു പോസ്റ്റ്‌.....ഫോല്ലോവേര്സിനെ കൊണ്ട് നിറഞ്ഞ ബ്ലോഗ്‌.....ഹോ... ഒര്കുമ്പോള്‍ രോന്ജാമം വരുന്നു.....
ആദ്യം ചോദ്യം ഉണ്ടാക്കാം ....
1 പ്രണയം എന്നാല്‍ എന്ത്?
2 നിങ്ങള്‍ പ്രണയിച്ചിട്ടുണ്ടോ?
അങ്ങനെ അതും റെഡി....ഇനിയിത് ആരോട് ചോദിക്കും....
അമ്മയോട് ചോദിച്ചാലോ?വേണ്ട....എന്തിനാ വെറുതെ നല്ലൊരു ദിവസമായിട്ടു അമ്മയുടെ കൈയ്ക്ക് പണിയുന്ടാകുന്നെ.....
"ഇതെങ്ങോട്ടാ രാവിലെ തന്നെ?"
"ഒരു സര്‍വ്വേ എടുക്കാന്‍ പറഞ്ഞു മിസ്സ്‌... അതിനാ..
ഒരു ദിവസം വീട്ടിലിരിക്കരുത്...സര്‍വ്വേ....പോലും....
ഹം...അതെലെങ്ങിലും അങ്ങനാ.....മഹാന്മാരെയും അവരുടെ വീട്ടുകാര്‍ അന്ഗീകരിക്കില്ല...ഒടുവില്‍ പ്രശസ്തരാവുംപോള്‍ അവരുടെ കഴിവ് കണ്ടെത്തിയത് ഞാനാണെന്ന് ബിടല്സ് ഇളകാന്‍ എന്തൊരു തിരക്കായിരിക്കും.....ഞാന്‍ വലിയ ബ്ലോഗ്ഗെരാവുംപോള്‍ എന്നെ ഇന്റര്‍വ്യൂ ചെയ്യാന്‍ വരുന്നവരുടെ മുന്പിലെകിംഗ് പോര്...ബടായി പറയാന്‍...അപ്പോള്‍ കാണിച്ചു തരാം.....ഇത് സത്യം ...അ...സത്യം...അ....സത്യം....
മീന്‍കാരന്‍ മോയിതീന്ക്ക അല്ലെ അത്..... തേടിയ vine ഫീറ്റില്‍ ചുറ്റി എന്ന് പറഞ്ഞത് പോലായെല്ലോ....
മോയിദീന്‍ ക്ക....ഒന്ന് നിന്നേ...ഒരു കാര്യം ചോദിക്കട്ടെ....
ഇതാര്...അനു മോളോ?എന്താ മോളെ....
അല്ല മോയിതീന്ക്ക പ്രണയത്തെ കുറിച്ച എന്താ അഭിപ്രായം...?????
നല്ല കാര്യമാ മോളെ...എന്തെ?
ഹോ...അപ്പൊ തുടക്കം പിഴച്ചില്ല....മോയിദീന്‍ ക്ക ഒരു പരീകുട്ട്യാവും...
ആട്ടെ....മോയിതീന്ക്ക പ്രണയിചിടുണ്ടോ?
അല്ലാഹ്....ഞാന്‍ ബെക്കാറില്ല മോളെ....എനിക്ക് എയിത്തോന്നും അരീലല്ലോ...അത്കൊണ്ട് മോന്‍ ശുക്കൂരാ അതൊക്കെ ചെയ്യുനെ..... മോക്കു ബെണേല്‍ പറ....ഓനെ ഞാന്‍ ഇപ്പം തന്നെ ഈട്ത്തെക്കയകാം ....പകെങ്ങില്‍ മോകെന്താ ഇപ്പൊ പൈശക്ക് ആവശ്യം....ബെന്ടെ കാശ് ഉമ്മ തരൂലെ?
മോയിദീന്ക്ക ...ഇങ്ങലെന്തോക്കെയാ ഈ പറയുന്നേ....കാശോ?എന്ത് കാശ്...?
ബാങ്കില്‍ പണയം ബെക്കുമ്മം കിട്ടുന്ന കാശ്.....
ഇപ്പം ഞാന്‍ ആരായി....:P
മോയിദീന്‍ ക്ക പണയം വെക്കുന്ന കാര്യമല്ല ഞാന്‍ ചോദിച്ചേ...പ്രണയം...ഈ പ്രേമം,ഇഷ്ക് ,മോഹബ്ബത് എന്നൊക്കെ പറയൂലെ...
ഓ..മോഹബ്ബത്ത്...അത് ആദ്യം പറയണ്ടേ?ഇംഗ്ലീഷ് ഞമ്മക്കരിയൂലന്നു കുട്ടിക്കറിയില്ലേ?
പ്രണയം എന്നത് ഇംഗ്ലീഷ് ആയിരുന്നോ?:0
മോഹബ്ബത്ത്...മീനിനെ പിടിച്ചു കരയിലിട്ടാല്‍ എന്താ നടക്കാ....അത്പോലെ ഒരു ബീര്‍പ്പ് മുട്ടലാണ് മോളെ മോഹബ്ബത്ത്.....പണ്ട് മൈമൂനനോട് ഞമ്മള്‍ക്ക് തോന്നീരുന്നു .....ഒടുക്കം അവള്‍ടെ അങ്ങളാര് തള്ളി അശൂത്രിലാകിയപ്പോഴാ ആ ബീര്‍പ്പ് മുട്ടല്‍ മാറിയെ....
നന്നായി....
(ബാക്കി ബിശേഷങ്ങലുമായി ഉടന്‍ ബരാം)

അജ്ഞാതന്‍

പ്രണയിക്കുകയായിരുന്നു.....
നിന്നെ..
നിന്റെ പുഞ്ചിരിയെ,നിന്റെ കണ്ണുകളെ,ആ ആര്‍ദ്ര ഹൃദയത്തെ...
നീ അണിയുന്ന വസ്ത്രത്തെ..നിന്നെ തഴുകുന്ന കാറ്റിനെ....
നീ നടന്നു നീങ്ങിയ വഴിയോരത്തെ...
നിന്‍ സ്പര്‍ശനം കൊണ്ട് അനുഗ്രഹീതയായ ആ ശിലയെ പോലും....
ഒടുവില്‍ നിന്‍ പ്രണയം താങ്ങാന്‍ വയ്യെന്ന് ചൊല്ലി
വഴി പിരിഞ്ഞു നീ പോകവേ....നിന്റെ ആ വാക്കുകളെയും
അറിഞ്ഞില്ല നീ.....നിന്നെ പ്രണയിക്കാന്‍ എനിക്ക് നീ പോലും വേണ്ടായിരുന്നു....
എന്നും നിന്നെ പ്രണയിച്ചു കൊണ്ടെയിരികുന്നു ഞാന്‍.....